20 September, 2020 01:23:06 AM
ബിജെപി പ്രതിഷേധ സമരത്തിനെതിരെ ചെങ്കൊടിയുമായി ഒറ്റയാൾ പ്രതിരോധം
കൊച്ചി: മന്ത്രി കെ.ടി ജലീലിനെതിരായ പ്രതിഷേധ സമരത്തിനെതിരെ ഒറ്റയാൾ പ്രതിരോധം. കൊച്ചിയിൽ നടന്ന ബിജെപി മാർച്ചിനിടെയായിരുന്നു വേറിട്ട പ്രതിഷേധം. ബിജെപി പ്രതിഷേധ സമരം വരുമ്പോൾ റോഡിൽ കുറുകെ കയറിനിന്ന് ചെങ്കൊടി ഉയർത്തിക്കാട്ടിയാണ് ഒരു സിപിഎം അനുഭാവി പ്രതിരോധിച്ചത്. റോഡിൽ‌നിന്ന് ബിജെപി പ്രതിഷേധത്തിനെതിരെ ഇയാൾ മുദ്രാവാക്യവും മുഴക്കി. പിന്നീട് പോലീസ് ഇയാളെ പിടിച്ചുമാറ്റി. സംഭവത്തിന്‍റെ ചിത്രങ്ങളും വീഡിയോയും സമൂഹമാധ്യമങ്ങളിൽ വൈറലാകുകയാണ്.
