10 May, 2020 09:03:12 AM
ലക്ഷദ്വീപിൽനിന്നുള്ള 121 മലയാളികൾ കൊച്ചിയിൽ കപ്പലിറങ്ങി; എല്ലാവരും വീടുകളിലേക്ക് മടങ്ങി
കൊച്ചി: ലക്ഷദ്വീപിൽനിന്നുള്ള മലയാളികളുമായി കപ്പൽ കൊച്ചിയിലെത്തി. ഞായറാഴ്ച പുലർച്ചെ എം.വി അറേബ്യൻ സീ എന്ന കപ്പലാണ് മലയാളികളെ നാട്ടിലെത്തിച്ചത്. 121 യാത്രക്കാരാണ് കപ്പലിലുള്ളത്. ഇവർ ലക്ഷദ്വീപിൽ സർക്കാർ സർവീസിൽ ജോലിചെയ്യുന്നവരും വിദ്യാർഥികളുമാണ്. കപ്പലിൽ എത്തിയവരെ സ്ക്രീനിംഗിന് വിധേയമാക്കി വീടുകളിലേക്ക് വിട്ടു. ലക്ഷദ്വീപിൽ ഇതുവരെ കോവിഡ് കേസുകളില്ലാത്തതിനാലാണ് ഇവരെ സ്ക്രീനിംഗിന് വിധേയമാക്കി വീടുകളിലേക്ക് വിട്ടത്.
