06 May, 2020 12:42:50 AM
കൊച്ചി കുന്നത്തുനാട് ഫ്ലാറ്റിലുണ്ടായ തീപിടിത്തത്തിൽ അസം സ്വദേശി മരിച്ചു
കൊച്ചി: കുന്നത്തുനാട് പഞ്ചായത്തിലെ പാടത്തിക്കര പിണർമുണ്ടയിൽ ഫ്ലാറ്റിലുണ്ടായ തീപിടിത്തത്തിൽ ഒരാൾ മരിച്ചു. അസം സ്വദേശി അസീബുൾ റഹ്മാനാണ് (20) മരിച്ചത്. കൂടെയുണ്ടായിരുന്ന അസം സ്വദേശി റഷീദുൾ ഇസ്ലാം (19) പരിക്കേറ്റ് എറണാകുളം ജനറൽ ആശുപത്രിയിൽ ചികിത്സയിലാണ്. ചൊവ്വാഴ്ച വൈകിട്ട് ആറേകാലോ‌ടെയായിരുന്നു സംഭവം.
പൂച്ചക്കൽ വിനോദ് തരകന്‍റെ ഉടമസ്ഥതയിലുള്ള 'ക്ലേസിസ് ഹൈറ്റ്സ്' എന്ന15 നില ഫ്ളാറ്റിന്‍റെ ആറാമത്തെ നിലയിലാണ് തീപിടിത്തമുണ്ടായത്. മുറിയിൽ കൂട്ടിയിട്ടിരുന്ന പിവിസി പൈപ്പുകൾ, പെയിന്‍റ്, കടലാസുകൾ, തെർമോക്കോൾ സീലിംഗുകൾ തുടങ്ങിയവയ്‌ക്കാണ് തീപിടിച്ചത്. പട്ടിമറ്റം, തൃക്കാക്കര അഗ്നിരക്ഷാ യൂണിറ്റുകൾ സംഭവസ്ഥത്തെത്തിയാണ് തീയണച്ചത്. പ്രാഥമിക നിഗമനത്തിൽ രണ്ട് ലക്ഷം രൂപയുടെ നഷ്ടം കണക്കാക്കുന്നു
