31 January, 2020 10:48:39 PM
സദസില്‍ കൂവിയ വിദ്യാര്‍ഥിയെ മൈക്കിലൂടെ കൂവിപ്പിച്ച്‌ നടന്‍ ടൊവിനോ തോമസ്
കല്‍പ്പറ്റ: സദസില്‍ കൂവിയ വിദ്യാര്‍ഥിയെ വേദിയിലേക്കു വിളിച്ചുവരുത്തി മൈക്കിലൂടെ കൂവിപ്പിച്ചു ചലച്ചിത്രതാരം ടൊവിനോ തോമസ്. സമ്മതിദായകരുടെ ദേശീയദിനത്തോടനുബന്ധിച്ചു മാനന്തവാടി മേരിമാതാ കോളജില്‍ സംഘടിപ്പിച്ച ബഹുജനസംഗമത്തിനിടെയാണു സംഭവം.
സംഗമം ഉദ്ഘാടനം ചെയ്തു ടൊവിനോ പ്രസംഗിക്കുന്നതിനിടെയായിരുന്നു സദസില്‍നിന്നു കൂവല്‍. വിദ്യാര്‍ഥിയെ സ്റ്റേജിലേക്കു വിളിച്ച ടൊവിനോ മൈക്കിലൂടെ കൂവാന്‍ ആവശ്യപ്പെടുകയായിരുന്നു. ആദ്യം വിസമ്മതിച്ച വിദ്യാര്‍ഥിയെ മൈക്കിലൂടെ നാലുതവണ കൂവിപ്പിച്ചാണു നടന്‍ സദസിലേക്കു മടക്കിയത്.
