14 January, 2020 07:33:30 PM
തൃപ്പൂണിത്തുറ കേന്ദ്രീകരിച്ച് ആനക്കൊമ്പ് വിൽപന നടത്താൻ ശ്രമിച്ച അഞ്ചു പേർ പിടിയിൽ
കൊച്ചി: എറണാകുളം ജില്ലയില്‍ തൃപ്പൂണിത്തുറയിലെ ഫ്ലാറ്റ് കേന്ദ്രീകരിച്ച് ആനക്കൊമ്പ് വിൽപന നടത്താൻ ശ്രമിച്ച അഞ്ചു പേരെ ഫ്ലൈയിംഗ് സ്ക്വാഡ് പിടികൂടി. ഫ്ലൈയിംഗ് സ്ക്വാഡിനു ലഭിച്ച രഹസ്യ വിവരത്തിന്‍റെ അടിസ്ഥാനത്തിലായിരുന്നു പരിശോധന. ഇടപാടുകാരെന്ന വ്യാജേന ആനക്കൊമ്പ് വേണമെന്ന ആവശ്യവുമായെത്തിയാണ് പ്രതികളെ പിടികൂടിയത്. രണ്ടു കോടി രൂപയാണ് ഇവർ ആനക്കൊമ്പിനായി ആവശ്യപ്പെട്ടത്. അറസ്റ്റിലായവരുടെ പേരുവിവരങ്ങൾ പുറത്ത് വിട്ടിട്ടില്ല.
