15 December, 2019 09:06:34 AM
നെടുമ്പാശേരി വിമാനത്താവളത്തിൽ വൻ സ്വർണവേട്ട: ജിദ്ദയില്‍ നിന്നും എത്തിയ മലയാളികള്‍ അറസ്റ്റില്‍
കൊച്ചി: നെടുമ്പാശേരി വിമാനത്താവളത്തിൽ വൻ സ്വർണവേട്ട. 66 ലക്ഷം രൂപ വിലവരുന്ന രണ്ട് കിലോ സ്വർണം പിടികൂടി. റിയാദിൽനിന്നും ജിദ്ദയിൽനിന്നും എത്തിയ മലപ്പുറം, കോഴിക്കോട് സ്വദേശികളായ രണ്ട് യാത്രക്കാരിൽനിന്നാണ് സ്വർണം പിടിച്ചെടുത്തത്. ഇവരെ എയർകസ്റ്റംസ് ഇന്‍റലിജൻസ് അറസ്റ്റ് ചെയ്തു. റീചാർജബിൾ ഫാനിന്‍റേയും സ്പീക്കറിന്‍റെയും ഉള്ളിൽ പാളികളാക്കിയാണ് സ്വർണം കൊണ്ടുവന്നത്. സ്വർണം കടത്താൻ സ്വീകരിച്ച രീതി പരിശോധിക്കുമ്പോൾ രണ്ട് പേരും ഒരേ സംഘത്തിനു വേണ്ടിയാവും സ്വർണം കടത്തിയതെന്നാണ് കരുതുന്നത്.
