28 November, 2019 07:07:48 AM
കോഴിക്കോട് വടകരയിൽ ടാങ്കർ ലോറി മറിഞ്ഞു: പെട്രോൾ പരന്നൊഴുകി; വാഹനങ്ങള്‍ വഴിതിരിച്ചുവിട്ടു
കോഴിക്കോട്: വടകരയിൽ ഇന്ധന ടാങ്കർ മറിഞ്ഞു. മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെയാണ് ടാങ്കർ മറിഞ്ഞത്. ടാങ്കറിൽ നിന്ന് പെട്രോൾ ചോരുന്നുണ്ടെന്നാണ് വിവരം. ചോർച്ചയടക്കാനുള്ള ശ്രമങ്ങൾ തുടരുകയാണ്. ഡ്രൈവർ മാത്രമാണ് വാഹനത്തിലുണ്ടായിരുന്നത്. തലശ്ശേരി ഭാഗത്തേക്ക് പോകുകയായിരുന്ന ടാങ്കർ ലോറി റോഡരികിൽ നിർത്തിയിട്ടിരുന്ന വാഹനത്തിൽ ഇടിച്ച് മറിയുകയായിരുന്നു. മറിഞ്ഞ വാഹനത്തിന്റെ സമീപത്തേക്ക് പോകാൻ ആരെയും അനുവദിക്കുന്നില്ല. വാഹന ഗതാഗതം പഴയ റോഡിലൂടെ തിരിച്ചു വിട്ടു.
