22 November, 2019 07:54:09 PM
കൊച്ചി കുണ്ടന്നൂരില്‍ ഓടിക്കൊണ്ടിരുന്ന കാറിനു തീപിടിച്ചു; യാത്രക്കാര്‍ ചാടി രക്ഷപ്പെട്ടു
കൊച്ചി: കുണ്ടന്നൂർ ജംഗ്ഷനു സമീപം ദേശീയപാതയിൽ ഓടിക്കൊണ്ടിരുന്ന കാറിനു തീപിടിച്ചു. തീ പടർന്ന ഉടൻ യാത്രക്കാർ ചാടി ഇറങ്ങിയതിനാല്‍ ആളപായമുണ്ടായില്ല. വെള്ളിയാഴ്ച ഉച്ചയ്ക്ക് 12.30ന് അരൂർ ഭാഗത്തേയ്ക്ക് പോകുകയായിരുന്ന കാറിനാണ് തീപിടിച്ചത്. ഇതോടെ ഇതുവഴിയുള്ള ഗതാഗതം തടസപ്പെട്ടു. മണിക്കൂറുകൾക്കു ശേഷമാണ് ഗതാഗതം പുനഃസ്ഥാപിച്ചത്.
