21 October, 2019 07:54:07 AM
കളമശ്ശേരിയിൽ 25 വീടുകളിലെ വൈദ്യുതി മീറ്റർ കത്തി; ഒട്ടേറെ വീടുകളിലെ ടിവികളും ഫാനുകളും കത്തി നശിച്ചു
കളമശേരി: പള്ളിലാംകര പൈപ്പ്‌ലൈനിൽ 110 കെവി വൈദ്യുതി ലൈനിലെ ഡിസ്ക് പൊട്ടിത്തെറിച്ചതിനെത്തുടർന്നുണ്ടായ അമിത വൈദ്യുതി പ്രവാഹത്തിൽ നൂറോളം വീടുകളിൽ വൈദ്യുതി മീറ്ററുകളും വയറിങ്ങും വൈദ്യുതോപകരണങ്ങളും കത്തിനശിച്ചു. ഇന്നലെ ഉച്ചക്ക് 1നാണ് അപകടം. പള്ളിലാംകര, പൈപ്പ്‍ലൈൻ പ്രദേശങ്ങളിൽ 6 മണിക്കൂറോളം വൈദ്യുതി മുടങ്ങി. ടവറിന്റെ പരിസരത്തുള്ള പ്രദേശങ്ങളിലാണ് കൂടുതൽ നാശനഷ്ടമുണ്ടായത്. ഇവിടെ 25 വീടുകളിലെ വൈദ്യുതി മീറ്റർ കത്തി. ഒട്ടേറെ വീടുകളിലെ ടിവികളും ഫാനുകളും കത്തി നശിച്ചു. സമീപത്തെ ഫ്രഷ് ബസാർ കടയിലെ ഫ്രിജുകളും മറ്റും കത്തി നശിച്ചു.
