05 March, 2019 10:58:07 AM
നെടുമ്പാശ്ശേരി വിമാനത്താവളത്തിൽ വൻ മയക്കു മരുന്ന് വേട്ട; മൂന്ന് കോടിയുടെ ഹാഷിഷ് പിടികൂടി
കൊച്ചി: നെടുമ്പാശ്ശേരി വിമാനത്താവളത്തിൽ എയർ കസ്റ്റംസ് ഇന്‍റലിജൻസ് വിഭാഗം മുന്ന് കോടിയോളം രുപ വിലമതിക്കുന്ന ഹാഷിഷ് പിടികൂടി. എയർ ഇന്ത്യ വിമാനത്തിൽ മാലി ദ്വീപിലേക്ക് പോകാനെത്തിയ യാത്രക്കാരനിൽ നിന്നാണ് ഹാഷിഷ് പിടികൂടിയത്. ഏതാനും ദിവസങ്ങൾക്ക് മുൻപ് കൊച്ചി അന്താരാഷ്ട്ര വിമാനത്താവളത്തിൽ ഒന്നര കോടി രൂപയുടെ ഹാഷിഷ് പിടികൂടിയിരുന്നു. മലപ്പുറം സ്വദേശി മുബഷീറിൽ നിന്നാണ് കസ്റ്റംസ് അന്ന് ലഹരി മരുന്ന് പിടിച്ചെടുത്തത്.
