23 February, 2019 09:57:35 PM
ബ്രഹ്മപുരത്തിനു പിന്നാലെ എറണാകുളം മംഗളവനത്തിലും വൻ തീ പിടുത്തം
കൊച്ചി: എറണാകുളം മംഗളവനത്തില്‍ തീ പിടുത്തം. വൈകിട്ട് 3.30 ഓടെ ഉണങ്ങിയ പുല്ലിന് തീ പിടിക്കുകയായിരുന്നു. തുടര്‍ന്ന് അഗ്നിശമനസേന സ്ഥലത്തെത്തി തീ കെടുത്തുകയായിരുന്നു. ബ്രഫ്മപുരം മാലിന്യ സംസ്‌കരണ ശാലയിലുണ്ടായ അഗ്നിബാധയ്ക്കു പിന്നാലെ മംഗളവനത്തിലും തീ പിടുത്തമുണ്ടായത് ആശങ്കയ്ക്ക് ഇടയാക്കി. പെട്രോള്‍ പമ്പ് ഉള്‍പ്പെടെ ഉള്ളവ സമീപത്ത് ഉണ്ടെന്നതും ആശങ്കയേറ്റി. എന്നാല്‍ തീ ഉടന്‍ നിയന്ത്രണ വിധേയമാക്കാന്‍ അഗ്നിശമന സേനയ്ക്ക് കഴിഞ്ഞു.
