05 September, 2026 09:44:11 AM
രമ്യ ഹരിദാസ് എംഎൽഎയും കോൺഗ്രസ് പ്രവർത്തകരും തമ്മിൽ കയ്യാങ്കളി
തിരുവനന്തപുരം: ചിറയിന്കീഴ് എംഎല്എ രമ്യ ഹരിദാസും കോണ്ഗ്രസ് പ്രവര്ത്തകരും തമ്മില് കയ്യാങ്കളി. ചിറയിന്കീഴിലാണ് സംഭവം നടന്നത്. പ്രാദേശിക നേതാക്കള് മര്ദ്ദിച്ചുവെന്ന ആരോപണവുമായി രമ്യ ഹരിദാസ് രംഗത്തെത്തി. രമ്യ ഹരിദാസ് ആശുപത്രിയില് ചികിത്സ തേടുകയും ചെയ്തു. എംഎല്എ അടിച്ചെന്ന് ജില്ലാ പഞ്ചായത്തംഗവും ആരോപിച്ചു. സംഭവത്തിൻ്റെ ദൃശ്യങ്ങൾ പുറത്തുവന്നു.
കഴിഞ്ഞ ദിവസം ചിറയിന്കീഴ് ബ്ലോക്ക് പഞ്ചായത്തില് ജനപ്രതിനിധികളുടെയും ഉദ്യോഗസ്ഥരുടെയും യോഗം നടന്നിരുന്നു. ഇതില് യോഗവുമായി ബന്ധമില്ലാത്ത പാളയം പ്രദീപ് പങ്കെടുത്തിരുന്നു. രമ്യ ഹരിദാസുമായി അടുത്ത ബന്ധമുള്ളയാളാണ് പാളയം പ്രദീപ്. ഇതിനെ ജനപ്രതിനിധികള് ചോദ്യം ചെയ്യുകയും കോണ്ഗ്രസ് ജനറല് സെക്രട്ടറി ഇതിനെതിരെ ഫേസ്ബുക്കില് പോസ്റ്റിടുകയും ചെയ്തിരുന്നു.
എംഎൽഎയും പാളയം പ്രദീപും കൂടി ഫേസ്ബുക്ക് പോസ്റ്റ് ഇട്ട ജനറൽ സെക്രട്ടറിയുടെ വീട്ടിലെത്തുകയും അവർ തമ്മിൽ സംസാരം ഉണ്ടാവുകയും ചെയ്തു. ഇതറിഞ്ഞ കോൺഗ്രസ് പ്രവർത്തകർ ആ വീട്ടിലെത്തി എംഎൽഎയുമായി വാക്കേറ്റം ഉണ്ടായി. തുടർന്ന് ഇരു കൂട്ടരും തമ്മിൽ പിടിച്ചു തള്ളുകയും എംഎൽഎയ്ക്ക് പരുക്കേറ്റു എന്നുമാണ് ആരോപണം. ചിറയിൻകീഴ് പൊലീസ് സ്ഥലത്തെത്തി.എംഎൽഎയുടെ മൊഴിയെടുത്തു
