20 July, 2023 05:07:53 AM
കൊളംബിയയിൽ വിമാനാപകടത്തിൽ അഞ്ച് പേർ കൊല്ലപ്പെട്ടു
ബൊഗോട്ട്: കൊളംബിയയിലുണ്ടായ വിമാനാപകടത്തിൽ അഞ്ച് പേർ കൊല്ലപ്പെട്ടു. സെൻട്രൽ കൊളംബിയയിലായിരുന്നു സംഭവം. മരിച്ച അഞ്ച് പേരും രാഷ്ട്രിയക്കാരാണ്. ഇവർ മുൻ പ്രസിഡന്‍റ് അൽവാരോ ഉറിബിന്‍റെ വലതുപക്ഷ സെൻട്രോ ഡെമോക്രാറ്റിക്കോയിലെ അംഗങ്ങളായിരുന്നു.
മുൻ സെനറ്റർ നൊഹോറ തോവർ, ഡിപ്പാർട്ട്‌മെന്‍റൽ നിയമനിർമാതാവ് ദിമാസ് ബാരേറോ, ഗവർണർ എലിയോഡോറോ അൽവാരസ്, വില്ലാവിസെൻസിയോ മുനിസിപ്പൽ കൗൺസിലർ ഓസ്കാർ റോഡ്രിഗസ് എന്നിവരും മറ്റൊരാളുമാണ് മരിച്ചത്. ഒരു പാർട്ടി സമ്മേളനത്തിനായി ചെറുവിമാനത്തിൽ വില്ലാവിസെൻസിയോയിൽ നിന്ന് ബൊഗോട്ടയിലേക്ക് പോവുകയായിരുന്നു ഇവർ. പ്രസിഡന്‍റ് ഗുസ്താവോ പെട്രോ മരണത്തിൽ അനുശോചനം രേഖപ്പെടുത്തി
