06 October, 2026 06:19:11 PM
ഹോർമുസിൽ കപ്പലിന് നേരെ ആക്രമണം; ഇന്ത്യക്കാരുൾപ്പെടെ 12 ജീവനക്കാർക്ക് പരിക്ക്
തെഹ്റാൻ: ഒമാൻ തീരത്ത് പാനമ കപ്പലിന് നേരെ ആക്രമണം. 11 ഇന്ത്യക്കാരടക്കം 12 കപ്പൽ ജീവനക്കാർക്ക് ആക്രമണത്തിൽ പരുക്കേറ്റു. ഒമാൻ അധികൃതരുടെ സഹായത്തോടെ പരുക്കേറ്റ ജീവനക്കാരെ സുരക്ഷിതമായി മാറ്റുകയും ഒമാനിലെ ഖസാബിൽ ചികിത്സ നൽകുകയും ചെയ്യുകയാണ്. പാനമ കപ്പലായ എം ടി ഓൺ പീസാണ് ആക്രമിക്കപ്പെട്ടത്.
ഹോർമുസ് കടലിടുക്കിലൂടെ സഞ്ചരിക്കുമ്പോഴാണ് IMO നമ്പർ 9893204 ആയ ഈ കപ്പലിനു നേരെ ഒരു ആക്രമണ വസ്തു പതിച്ചതെന്ന് വിദേശകാര്യ മന്ത്രാലയം അറിയിച്ചു. മേഖലയിലെ കപ്പലുകൾക്ക് നേരെയുള്ള ആക്രമണങ്ങൾ തുടരുന്നത് ഇന്ത്യയ്ക്ക് കടുത്ത ആശങ്കയുണ്ടാക്കുന്ന കാര്യമാണ്," എന്ന് വിദേശകാര്യ മന്ത്രാലയം പ്രസ്താവിച്ചു. പ്രാദേശിക സമാധാനത്തിന്റെയും സ്ഥിരതയുടെയും താൽപ്പര്യാർത്ഥം ഇത്തരം ആക്രമണങ്ങൾ ഉടൻ അവസാനിപ്പിക്കണമെന്ന ആവശ്യം മന്ത്രാലയം ആവർത്തിച്ചു.
