19 June, 2023 07:07:43 AM
ജപ്പാനിൽ ബസും ട്രക്കും കൂട്ടിയിടിച്ച് അഞ്ച് പേർ മരിച്ചു: നിരവധി പേർക്ക് പരിക്ക്
ടോക്കിയോ: ജപ്പാനിൽ ബസും ട്രക്കും കൂട്ടിയിടിച്ച് അപകടം. അഞ്ച് പേർ മരിച്ചു. നിരവധിപേർക്ക് പരിക്കേറ്റു. ഹോക്കൈഡോ നഗരത്തിലാണ് സംഭവം. രണ്ടു വാഹനങ്ങളിലെ ഡ്രൈവർമാരും ബസിലെ യാത്രക്കാരുമാണ് മരിച്ചത്.
15 യാത്രക്കാരുമായി വന്ന ഇന്‍റർസിറ്റി ഹൈവേ ബസും സപ്പോറയിൽ നിന്ന് ഹകോഡേറ്റ് നഗരത്തിലെ ഹോട്ട് സ്പ്രിംഗ് റിസോർട്ടിലേക്ക് പോകുകയായിരുന്ന ട്രക്കുമാണ് കൂട്ടിയിടിച്ചത്. അപകടത്തിൽപരിക്കേറ്റ എല്ലാവരെയും ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണെന്നാണ് സൂചന.
