29 April, 2023 12:55:37 PM
സെർവർ തകരാർ പരിഹരിച്ചു; റേഷൻ വിതരണം പുനരാരംഭിച്ചു
തിരുവനന്തപുരം: സെർവർ തകരാർ താത്കാലികമായി പരിഹരിച്ചതിനാൽ സംസ്ഥാനത്ത് റേഷൻ വിതരണം ഇന്നുമുതൽ പുനരാരംഭിച്ചു. റേഷൻ വിതരണം തടസപ്പെട്ട സാഹചര്യത്തിൽ ഈ മാസത്തെ റേഷൻ വിതരണത്തിനുള്ള സമയം അഞ്ചാം തീയതി വരെ നീട്ടിയിരുന്നു.
ഇന്ന് രാവിലെ 8 മണി മുതൽ 1 മണി വരെ തൃശൂർ, മലപ്പുറം, പാലക്കാട്, കൊല്ലം, ആലപ്പുഴ, പത്തനംത്തിട്ട, വയനാട് ജില്ലകളിൽ വിതരണം ചെയ്യും. ഉച്ചയ്ക്ക് 2-7 മണിവരെ എറണാകുളം, കോഴിക്കോട്, കണ്ണൂർ, കോട്ടയം, ഇടുക്കി, തിരുവനന്തപുരം എന്നീ ജില്ലകളിലും വിതരണം നടത്തും.
