19 April, 2023 07:27:47 AM
കാലിഫോർണിയയിലെ ഗുരുദ്വാരകളിൽ നടന്ന വെടിവയ്പ്; 17 പേർ അറസ്റ്റിൽ
ലോസ് ആഞ്ചലസ്: കാലിഫോർണിയയിലെ സാക്രമെന്‍റോ, സ്റ്റോക്റ്റൺ ഗുരുദ്വാരകളിലടക്കമുള്ള വെടിവയ്പുകളുമായി ബന്ധപ്പെട്ട് 17 പേർ അറസ്റ്റിലായതായി പോലീസ് അറിയിച്ചു. എകെ-47 തോക്ക് അടക്കമുള്ള ആയുധങ്ങൾ ഇവരിൽനിന്നു പിടിച്ചെടുത്തു. രണ്ടു ഗുണ്ടാസംഘങ്ങൾ തമ്മിലുള്ള പകയാണു വെടിവയ്പുകളിൽ കലാശിച്ചത്.
അറസ്റ്റിലായ ഭൂരിഭാഗവും സിക്ക് വംശജരാണ്. രണ്ടു പേർ ഇന്ത്യയിലെ കൊലപാതക കേസുകളിൽ പിടികിട്ടാപ്പുള്ളികളായ മാഫിയാ അംഗങ്ങളാണെന്നും പോലീസ് പറഞ്ഞു. വടക്കൻ കലിഫോർണിയയിലെ 20 കേന്ദ്രങ്ങളിൽ റെയ്ഡ് നടത്തിയാണ് ഇവരെ പിടികൂടിയത്. സാക്രമെന്‍റോയിൽ മാർച്ച് 23നും സ്റ്റോക്റ്റണിൽ 2022 ഓഗസ്റ്റ് 27നും നടന്ന വെടിവയ്പുകളിൽ അഞ്ചു പേർക്കു പരിക്കേറ്റിരുന്നു.
