07 April, 2023 08:45:45 AM
ഭീകരരുമായി ഏറ്റുമുട്ടൽ; റഷ്യയിൽ മൂന്ന് പോലീസുകാർ കൊല്ലപ്പെട്ടു
മോസ്കോ: റഷ്യയിലെ നോർത്ത് കോക്കസസിൽ ഭീകരരുമായുണ്ടായ ഏറ്റുമുട്ടലിൽ മൂന്ന് പോലീസ് ഉദ്യോഗസ്ഥർ കൊല്ലപ്പെട്ടു. ഇംഗുഷെഷ്യയിലെ മാൽഗോബെക്ക് ജില്ലയിലെ സയാസിക്കോവ്-യർട്ട് മേഖലയിലാണ് സംഭവം.
ഏഴ് ഉദ്യോഗസ്ഥർക്ക് പരിക്കേറ്റു. ഭീകര സംഘം ഒളിച്ചിരുന്ന സയാസിക്കോവ്-യർട്ട് ഗ്രാമത്തിലെ വീടുകളിൽ ഉദ്യോഗസ്ഥർ പരിശോധന നടത്തുന്നതിനിടെയാണ് വെടിവയ്പ്പ് ഉണ്ടായത്. കഴിഞ്ഞ ഒരാഴ്ചയ്ക്കിടെ റഷ്യയിലെ നോർത്ത് കോക്കസസിൽ പോലീസുകാർക്കെതിരെ നടക്കുന്ന മൂന്നാമത്തെ ആക്രമണമാണിത്.
