29 April, 2020 07:15:55 AM
വടക്കൻ സിറിയയിലെ അഫ്രിനിൽ ട്രക്ക് ബോംബ് സ്‌ഫോടനത്തില്‍ 36 മരണം
അങ്കാറ: വടക്കൻ സിറിയയിലെ അഫ്രിനിൽ ചൊവ്വാഴ്ച രാവിലെ ഉണ്ടായ ട്രക്ക് ബോംബ് സ്‌ഫോടനത്തില്‍ 36 പേർ മരിച്ചു. നാല്പതോളം പേർക്ക് പരിക്കേറ്റു. കൊല്ലപ്പെട്ടവരിൽ ആറു പേർ തുർക്കി പിന്തുണയുള്ള വിമത പോരാളികളും ഉൾപ്പെടുമെന്നാണ് റിപ്പോർട്ട്. അഫ്രീൻ പട്ടണത്തിലെ തിരക്കേറിയ മാർക്കറ്റിലാണ് ട്രക്ക് സ്ഫോടനം നടന്നത്. മരണസംഖ്യ ഇനിയും ഉയരാന്‍ ഇടയുണ്ടെന്നാണ് സര്‍ക്കാര്‍ വൃത്തങ്ങള്‍ പറയുന്നത്. ഭീകര സംഘടനകളൊന്നും സ്‌ഫോടനത്തിന്‍റെ ഉത്തരവാദിത്വം ഏറ്റെടുത്തിട്ടില്ല
