19 May, 2026 07:26:14 PM
കാണാതായ പഞ്ചാബി ഗായിക കനാലില് മരിച്ച നിലയില്
ലുധിയാന: പഞ്ചാബി ഗായികയും മേക്കപ്പ് ആര്ട്ടിസ്റ്റുമായ ഇന്ദര് കൗറിനെ കനാലില് മരിച്ച നിലയില് കണ്ടെത്തി. യഷീന്ദര് കൗര് എന്ന പേരിലും അറിയപ്പെട്ടിരുന്ന 29കാരിയുടെ മൃതദേഹം ലുധിയാനയിലെ കനാലില് നിന്നാണ് കണ്ടെത്തിയത്. മെയ് 13മുതല് യുവതിയെ കാണാതായിരുന്നു. ലുധിയാനയിലെ ജമാല്പൂര് സ്വദേശിയാണ്.
വീട്ടില് നിന്നും കാറില് പുറത്തേക്ക് പോയ കൗറിനെ സുഖ്വീന്ദര് സിങ്ങെന്നയാള് തട്ടിക്കൊണ്ടുപോയതാണെന്നാണ് സഹോദരന് ആരോപിക്കുന്നത്. കൗര് സുഖ്വീന്ദറിന്റെ വിവാഹവാഗ്ദാനം നിരാകരിച്ചിരുന്നു. ഇയാളാണ് കൊലയ്ക്ക് പിന്നിലെന്നും കുടുബം ആരോപിക്കുന്നു.
