30 November, 2025 10:23:41 PM
എംഡിഎംഎയുമായി യുവാവ് തൃക്കൊടിത്താനം പോലീസിന്റെ പിടിയിൽ.

ചങ്ങനാശ്ശേരി: വിൽപന നടത്തുന്നതിനും ഉപയോഗിക്കുന്നതിനുമായി കൈവശം വെച്ച മയക്കു മരുന്നിനത്തിൽപ്പെട്ട എംഡിഎംഎയുമായി യുവാവ് തൃക്കൊടിത്താനം പോലീസിന്റെ പിടിയിൽ. തൃക്കൊടിത്താനം മണികണ്ഠവയൽ ഭാഗത്ത് കളരിക്കൽ വീട്ടിൽ മാത്യു മകൻ ടോണി മാത്യു(28)വിനെയാണ് അറസ്റ്റുചെയ്തത്. ഇയാളിൽ നിന്നും മാരക രാസ ലഹരിയായ 1.87 ഗ്രാം എംഡിഎംഎ പോലീസ് കണ്ടെടുത്തു.
കോട്ടയം ജില്ലാ പോലീസ് മേധാവി ഷാഹുൽ ഹമീദിന് ലഭിച്ച രഹസ്യ വിവരത്തെ തുടർന്ന് ചങ്ങനാശ്ശേരി ഡിവൈഎസ്പി ടോംസണിന്റെ നിർദ്ദേശപ്രകാരം തൃക്കൊടിത്താനം സ്റ്റേഷന് ഹൗസ് ഓഫീസർ കെ.ആര്. പ്രശാന്ത് കുമാറിന്റെ നേതൃത്വത്തിൽ, സബ് ഇൻസ്പെക്ടർ ജിജി ലൂക്കോസ് സീനിയര് സിവില് പോലീസ് ഓഫീസര് ശ്രീകുമാർ, സിവില് പോലീസ് ഓഫീസര്മാരായ മണികണ്ഠൻ, ബിജു, ഷൈലാൽ, സായ് കൃഷ്ണൻ എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് ചെയ്തു.






