10 April, 2025 01:09:47 PM
ചങ്ങനാശേരിയിൽ ബാറിന് മുന്നിൽ യുവാവിനെ കുത്തി പരിക്കേൽപ്പിച്ച കേസ്: 5 പേർ പിടിയിൽ
ചങ്ങനാശേരി : ചങ്ങനാശേരി തെങ്ങണയിൽ ബാറിന് മുന്നിൽ യുവാവിനെ കുത്തി പരുക്കേൽപ്പിച്ച കേസിൽ മുഖ്യപ്രതി ഉൾപ്പെടെ അഞ്ച് പേർ അറസ്റ്റിൽ. തൃക്കൊടിത്താനം സ്വദേശികളായ സാജു ജോജോ , ടോംസൺ , കെവിൻ , ബിബിൻ , ഷിബിൻ എന്നിവരാണ് അറസ്റ്റിലായത്. തൃക്കൊടിത്താനം പൊലീസാണ് പ്രതികളുടെ അറസ്റ്റ് രേഖപ്പെടുത്തിയത്.
ഒന്നാം പ്രതി സാജു ജോജോ കാപ്പാ കേസിൽ അടുത്തിടെ പുറത്തിറങ്ങിയ ആളാണ്. കേസിലെ മറ്റ് പ്രതികളായ സിയാദ് ഷാജി , അമീൻ എന്നിവർ നേരത്തെ അറസ്റ്റിലായിരുന്നു. രക്ഷപ്പെടാൻ ശ്രമിക്കുന്നതിനിടെ ട്രെയിൻ യാത്രക്കാരെ ബിയർ കുപ്പികൊണ്ട് തലക്കടിച്ച കേസിൽ ഇരുവരെയും റെയിൽവേ പൊലീസ് അറസ്റ്റ് ചെയ്തിരുന്നു.
