27 March, 2025 09:13:57 AM
ഓൺലൈൻ ട്രേഡിങ്ങിന്‍റെ പേരില്‍ തലയോലപ്പറമ്പ് സ്വദേശിയില്‍ നിന്ന് 10 ലക്ഷം രൂപ തട്ടി; 2പേര്‍ പിടിയില്‍
തലയോലപ്പറമ്പ്: ഓൺലൈൻ ട്രേഡിങ്ങിലൂടെ ലാഭം ഉണ്ടാക്കാമെന്നു പറഞ്ഞു വിശ്വസിപ്പിച്ച് 10 ലക്ഷം രൂപ തട്ടിപ്പ് നടത്തിയ കേസില്‍ പ്രതികളെ പിടികൂടി തലയോലപ്പറമ്പ് പോലീസ്. തലയോലപ്പറമ്പ് ഭൂതപുരം ഭാഗത്ത് ശ്രീലക്ഷ്മി വീട്ടിൽ രാമചന്ദ്രന്റെ പരാതിയിലാണ് തലയോലപ്പറമ്പ് പോലീസ് 24.10.2024 തീയതി കേസ് രജിസ്റ്റർ ചെയ്തത്. പ്രതികളായ മലപ്പുറം വളാഞ്ചേരി പാലറ വീട്ടിൽ ഫഹത്ബിൻ (21),മലപ്പുറം വളാഞ്ചേരി തറമേൽ വീട്ടിൽ മുഹമ്മദ് അർഷാദ് (21) എന്നിവർ വ്യാജ വെബ്സൈറ്റ് ഉണ്ടാക്കി പരാതിക്കാരനെ ഓൺലൈൻ ട്രേഡിങ് വഴി ലാഭം ഉണ്ടാക്കിക്കൊടുക്കാമെന്ന് പറഞ്ഞു വിശ്വസിപ്പിച്ച് പല തവണകളായി 10 ലക്ഷം രൂപ മേടിച്ചെടുക്കുകയായിരുന്നു.പ്രതികളെ കോടതിയിൽ ഹാജരാക്കി
