15 March, 2025 09:47:34 PM


ലഹരിക്കെതിരെ യുവാക്കൾ അണിനിരക്കണം - കോട്ടയം ഡിവൈഎസ്പി കെ. ജി അനീഷ്



ഏറ്റുമാനൂര്‍ : ലഹരി റാക്കറ്റിനെതിരെ യുവാക്കള്‍ അണിനിരക്കണമെന്നും കോളേജ് ക്യാമ്പസുകളില്‍ ബോധവല്‍ക്കരണം ശക്തമാക്കണമെന്നും കോട്ടയം ഡിവൈഎസ്പി കെ ജി അനീഷ്. ഏറ്റുമാനൂര്‍ മംഗളം എംസി വര്‍ഗ്ഗീസ് കോളേജ് ഓഫ് ആര്‍ട്‌സ് ആന്റ് സയന്‍സ് കോളേജില്‍ നടന്ന കോളേജ് ഡേ ഉദ്ഘാടനം ചെയ്ത് സംസാരിക്കുകയാരുന്നു അദ്ദേഹം. മൂല്യാധിഷ്ടിത വിദ്യാഭ്യാസത്തിന് ആധുനിക കാലഘട്ടത്തില്‍ ഊന്നല്‍ നല്‍കണമെന്ന് ചടങ്ങളില്‍ അധ്യക്ഷപ്രസംഗം നടത്തവെ മംഗളം എജ്യുക്കേഷണല്‍ ഇന്‍സ്റ്റിറ്റിയൂഷന്‍ ചെയര്‍മാന്‍ ബിജു വര്‍ഗ്ഗീസ് പറഞ്ഞു.

ഈഗിള്‍ ഗെയിമിംഗ് ബ്ലോഗര്‍ ദിനില്‍ ദിനേഷ് ആര്‍ട്‌സ് ഡേ ഉദ്ഘാടനം ചെയ്തു. പ്രിന്‍സിപ്പല്‍ ഡോ.പി.ഡി ജോര്‍ജ്ജ് റിപ്പോര്‍ട്ട് അവതരിപ്പിച്ചു. അനന്തകൃഷ്ണന്‍, ശ്രേയസ് അജയ്, ശിവദത്ത് ജയശങ്കര്‍ എന്നിവര്‍ സംസാരിച്ചു.
പാഠ്യ- പാഠ്യേതര വിഷയങ്ങളില്‍ മികവ് തെളിയിച്ച വിദ്യാര്‍ത്ഥികള്‍ക്ക് പുരസ്‌ക്കാരം നല്‍കി ആദരിച്ചു. വിവിധ കലാപരിപാടികളും അരങ്ങേറി.


Share this News Now:
  • Mail
  • Whatsapp whatsapp
Like(s): 957