13 March, 2025 06:20:57 PM
കോതനല്ലൂരിൽ ബൈക്ക് ബസിനടിയിലേക്ക് ഇടിച്ചു കയറി അപകടം
കോതനെല്ലൂർ : എറണാകുളം റോഡിൽ കോതനെല്ലൂർ ജംഗ്ഷനിൽ സ്വകാര്യ ബസിനടിയിലേക്ക് ബൈക്ക് ഇടിച്ചു കയറി അപകടം. ബൈക്ക് യാത്രികൻ അത്ഭുതകരമായി രക്ഷപെട്ടു. ഇന്ന് വൈകുന്നേരം 5 മണിയോടെ കോതനെല്ലൂർ ജംഗ്ഷനിലാണ് സംഭവം. എറണാകുളത്ത് നിന്നും കോട്ടയത്തേക്ക് വരികയായിരുന്ന ലിമിറ്റഡ് സ്റ്റോപ്പ്‌ ബസിനടിയിലേക്ക് എതിർ ദിശയിൽ നിന്ന് വന്ന ബൈക്ക് നിയന്ത്രണം വിട്ട് ഇടിച്ചു കയറുകയായിരുന്നു. അതേ സമയം ബൈക്കിൽ മറ്റൊരു വണ്ടി ഇടിച്ചതിന് ശേഷം ബസിനടിയിലേക്ക് കയറിയതാണെന്നും പറയപ്പെടുന്നുണ്ട്. ബൈക്ക് യാത്രക്കാരനും ബസിനടിയിൽ പെട്ട് പോയി. പക്ഷേ സമയോചിതമായി ബസ് ഡ്രൈവർ ബ്രേക്കിട്ടത് കൊണ്ട് ബൈക്ക് യാത്രികൻ അത്ഭുതകരമായി രക്ഷപെട്ടു.
