03 February, 2025 03:24:26 PM
കോഴിക്കോട് പോക്സോ കേസ് പ്രതി തൂങ്ങിമരിച്ച നിലയിൽ
കോഴിക്കോട്: കുറ്റിക്കോട്ടൂരിൽ പോക്സോ കേസ് പ്രതിയെ തൂങ്ങിമരിച്ച നിലയിൽ കണ്ടെത്തി. കുറ്റിക്കാട്ടൂര്‍ സ്വദേശി സൈതലവി (75) ആണ് മരണപ്പെട്ടത്. ഇന്ന് രാവിലെ 08.15-ഓടെയാണ് വീട്ടിലെ കഴുക്കോലില്‍ പ്ലാസ്റ്റിക് കയറില്‍ തൂങ്ങി മരിച്ച നിലയില്‍ കണ്ടെത്തിയത്.
ഇക്കഴിഞ്ഞ ഓഗസ്റ്റിൽ മാനസിക വൈകല്യമുള്ള കുട്ടിയെ വീട്ടിൽ വച്ച് ലൈംഗിക അതിക്രമം നടത്തിയ കേസിലെ പ്രതിയാണ് സൈതലവി. കോഴിക്കോട് മെഡിക്കല്‍ കോളേജ് പോലീസ് രജിസ്റ്റര്‍ ചെയ്ത പോക്സോ കേസില്‍ ജാമ്യത്തിലിറങ്ങിയതായിരുന്നു ഇയാൾ.
