01 August, 2023 10:19:49 AM
വ്യാജ ബോംബ് ഭീഷണി; നെടുമ്പാശേരി വിമാനത്താവളത്തില്‍ യുവതി പിടിയില്‍
കൊച്ചി: നെടുമ്പാശേരി വിമാനത്താവളത്തിൽ വ്യാജ ബോംബ് ഭീഷണിയെ തുടർന്ന് മുംബൈ വിമാനം പുറപ്പെടാൻ വൈകി. യാത്രക്കാരിയായ തൃശൂർ സ്വദേശിനിയാണ് ബോംബ് ഭീഷണി മുഴക്കിയത്. യുവതിയെ പൊലീസിന് കൈമാറി.
കൊച്ചി - മുംബൈ ഇൻഡിഗോ വിമാനത്തൽ മുബൈയ്ക്ക് പോവാനെത്തിയ തൃശൂർ സ്വദേശിനിയാണ് സുരക്ഷാ പരിശോധനയ്ക്കിടെ ബാഗിൽ എന്താണെന്ന സുരക്ഷാ ജീവനക്കാരുടെ ചോദ്യത്തിന് ബാഗിൽ ബോംബാണെന്ന് മറുപടി നൽകിയത്. തുടർന്ന് സുരക്ഷാ ജീവനക്കാർ വിമാനത്തിൽ വീണ്ടും പരിശോധന നടത്തി. ഒരു മണിക്കൂറോളം വൈകിയാണ് വിമാനം പുറപ്പെട്ടത്.
