12 July, 2023 02:24:25 AM
കേരളത്തിലൂടെ ഓടുന്ന 13 ട്രെയിനുകൾക്ക് ജൂലൈ 15 മുതൽ കൂടുതൽ സ്റ്റോപ്പുകൾ
തിരുവനന്തപുരം: കേരളത്തിലൂടെ ഓടുന്ന 13 ട്രെയിനുകൾക്ക് കൂടുതൽ സ്റ്റോപ്പുകൾ അനുവദിച്ച് റെയിൽവേ. പരീക്ഷണാടിസ്ഥാനത്തിലാണ് ഈ ട്രെയിനുകൾക്ക് സ്റ്റോപ്പ് അനുവദിക്കാനുള്ള റെയിൽവേ നീക്കം. ജൂലൈ 15 മുതൽ ഹസ്രത് നിസാമുദ്ദീൻ-എറണാകുളം(ട്രെയിൻ നന്പർ-12618) എക്സ്പ്രസിന് കൊയിലാണ്ടിയിലും പൂനെ-കന്യാകുമാരി(16381) എക്സ്പ്രസിന് ഒറ്റപ്പാലത്തും സ്റ്റോപ്പ് അനുവദിച്ചു.
ജൂലൈ 16 മുതൽ തിരുവനന്തപുരം-മാംഗളൂർ(16604) എക്സ്പ്രസിന് കുറ്റിപ്പുറത്തും കൊയിലാണ്ടിയിലും മധുര-തിരുവനന്തപുരം(16344) എക്സ്പ്രസിന് കരുനാഗപ്പള്ളിയിലും തിരുവനന്തപുരം-മാംഗളൂർ(16347) എക്സപ്രസിന് ചാലക്കുടിയിലും മാംഗളൂർ-തിരുവനന്തപുരം(16603) എക്സ്പ്രസിന് അന്പലപ്പുഴയിലും സ്റ്റോപ്പ് അനുവദിച്ചു.
ജൂലൈ 17 മുതൽ നാഗർകോവിൽ-മാംഗളൂർ(16606) എക്സ്പ്രസിന് കുഴിത്തുറയിലും നെയ്യാറ്റിൻകരയിലും ആലപ്പുഴ-ധൻബാദ് (13352) എക്സ്പ്രസിന് സുള്ളുറപ്പേട്ടയിലും ജൂലൈ 18 മുതൽ എറണാകുളം-കാരയ്ക്കൽ(16188) എക്സ്പ്രസിന് കൊടുമുടിയിലും മുംബൈ-നാഗർകോവിൽ(16339) എക്സ്പ്രസിന് നാമക്കലിലും പാലക്കാട്-തിരുനെൽവേലി(16792) എക്സ്പ്രസിന് കുണ്ടറയിലും 19 മുതൽ തിരുനെൽവേലി-പാലക്കാട്(16791) എക്സ്പ്രസിന് പാവൂർച്ചത്രം, കുണ്ടറ എന്നിവിടങ്ങളിലും പുനലൂർ-മധുര(16730) എക്സ്പ്രസിന് വള്ളിയൂരിലും അധിക സ്റ്റോപ്പ് അനുവദിച്ചതായി റെയിൽവേ അറിയിച്ചു.
