02 October, 2021 09:36:19 PM
പോലീസ് തലപ്പത്ത് അഴിച്ചുപണി; ഷൗക്കത്തലി തീവ്രവാദ വിരുദ്ധ സ്ക്വാഡ് എസ്പി
തിരുവനന്തപുരം: സംസ്ഥാന പോലീസ് തലപ്പത്ത് അഴിച്ചുപണി. പുതുതായി ഐപിഎസ് ലഭിച്ചവരില്‍ എട്ട് പേര്‍ക്ക് നിയമനം നല്‍കി. ബെവ്‌കോ എംഡിയായിരുന്ന യോഗേഷ് ഗുപ്ത പോലിസ് ട്രെയിനിംഗ് എഡിജിപി ആയി നിയമിച്ചു. ഹെഡ്ക്വാര്‍ട്ടേഴ്‌സ് ഡിഐജി ആയിരുന്ന വി.എസ് ശ്യാം സുന്ദർ ആണ് പുതിയ ബെവ്‌കോ എംഡി.
പുതിയതായി ഐപിഎസ് ലഭിച്ച ഷൗക്കത്തലിയെ തീവ്രവാദ വിരുദ്ധ സ്ക്വാഡ് എസ്പിയായി നിയമിച്ചു. ഷൗക്കത്തലി നിലവില്‍ എന്‍ഐഎയിലാണ്. ചൈത്രാ തെരേസ ജോണിനെ റെയില്‍വേ പോലീസ് എസ്പിയായി നിയമിച്ചു. തീവ്രവാദ വിരുദ്ധ സ്‌ക്വാഡിന്‍റെ ചുമതലയായിരുന്നു ഇവർക്ക്. കേന്ദ്ര ഡെപ്യൂട്ടേഷന്‍ കഴിഞ്ഞെത്തിയ രാഹുല്‍ ആര്‍. നായര്‍ കോഴിക്കോട് ക്രൈംബ്രാഞ്ച് എസ്പിയാകും. കെ.വി സന്തോഷ് കുമാര്‍ മലപ്പുറം ക്രൈം ബ്രാഞ്ച് എസ്പിയായി തുടരും.
