22 September, 2021 07:09:19 PM
വരുന്നോ, ഉന്നത പദവി നൽകാം..! ടി.ജെ. ജോസഫിനെ സന്ദർശിച്ച് സുരേഷ് ഗോപി
കോട്ടയം: മതതീവ്രവാദികളുടെ ആക്രമണത്തിനിരയായ പ്രൊഫസർ ടി.ജെ. ജോസഫിനെ സന്ദർശിച്ച് നടനും എംപിയുമായ സുരേഷ് ഗോപി. ടി.ജെ. ജോസഫിന് കേന്ദ്ര സർക്കാരിൽ ഉന്നത പദവി നൽകുന്നതുമായി ബന്ധപ്പെട്ടായിരുന്നു സുരേഷ് ഗോപിയുടെ സന്ദർശനമെന്നാണ് റിപ്പോർട്ടുകൾ.
ടി.ജെ. ജോസഫിനെ ദേശീയ ന്യൂനപക്ഷ കമ്മീഷൻ അംഗമാക്കാനാണ് നീക്കം നടക്കുന്നതത്രെ. എന്നാൽ ഇതിനോട് ടി.ജെ. ജോസഫ് അനുകൂലമായി പ്രതികരിച്ചിട്ടില്ല. സുരേഷ് ഗോപിയുടെ സന്ദർശനം സൗഹാർദ്ദപരം മാത്രമാണെന്നാണ് ജോസഫിന്‍റെ മറുപടി. ഇനി ഒരുപാട് നല്ല കാര്യങ്ങൾ സംഭവിക്കട്ടെയെന്ന് സുരേഷ് ഗോപിയും മടങ്ങവെ പറഞ്ഞു.
