08 June, 2021 05:23:38 PM
അനിശ്ചിതത്വങ്ങള്‍ക്ക് വിരാമം; കെ സുധാകരന് കേരളത്തില്‍ കോണ്‍ഗ്രസിനെ നയിക്കും
തിരുവനന്തപുരം: കെ.സുധാകരനെ പുതിയ കെപിസിസി അധ്യക്ഷനായി കോണ്‍ഗ്രസ് ദേശീയ നേതൃത്വം നിയമിച്ചു. തീരുമാനം രാഹുല്‍ ഗാന്ധി നേരിട്ട് സുധാകരനെ ഫോണില്‍ വിളിച്ചറിയിക്കുകയായിരുന്നു. സുധാകരനോട് ഗ്രൂപ്പുകള്‍ക്ക് താത്പര്യക്കുറവായിരുന്നെങ്കിലും ഹൈക്കമാന്‍ഡ് ഇക്കാര്യങ്ങളൊന്നും പരിഗണിച്ചില്ല. പ്രതിപക്ഷ നേതാവായി വി.ഡി.സതീശനെ തെരഞ്ഞെടുത്തതിന് സമാനമായാണ് സുധാകരനും പാര്‍ട്ടിയുടെ തലപ്പെത്തിത്തിയത്.
കേരളത്തിന്‍റെ ചുമതലയുള്ള ജനറല്‍ സെക്രട്ടറി താരിഖ് അന്‍വര്‍ ഹൈക്കമാന്‍ഡിന് നല്‍കിയ റിപ്പോര്‍ട്ട് സുധാകരന് അനുകൂലമായിരുന്നു. ഇതിന് പുറമേ അണികള്‍ക്കിടയില്‍ സുധാകരനുള്ള സ്വീകാര്യതയും ഹൈക്കമാന്‍ഡ് പരിഗണിച്ചു. നേരത്തെ കെപിസിസി തലപ്പത്തേക്ക് കൊടിക്കുന്നില്‍ സുരേഷിന്‍റെ പേരും ഉയര്‍ന്നുവന്നെങ്കിലും ഹൈക്കമാന്‍ഡ് സുധാകരന് ഒപ്പം നില്‍ക്കുകയായിരുന്നു.
