29 May, 2021 02:17:57 PM
സംസ്ഥാനത്ത് ലോക്ക്ഡൗൺ ജൂൺ ഒമ്പത് വരെ നീട്ടും: മദ്യശാലകൾ തുറക്കില്ല
തിരുവനന്തപുരം: സംസ്ഥാനത്ത് ലോക്ക്ഡൗൺ ജൂൺ ഒമ്പത് വരെ നീട്ടും. മുഖ്യമന്ത്രിയുടെ നേതൃത്വത്തിൽ ചേർന്ന ഉന്നതതല യോഗമാണ് ഇതുസംബന്ധിച്ച തീരുമാനം കൈക്കൊണ്ടത്. ജനജീവിതത്തിന് ബുദ്ധിമുട്ട് ഉണ്ടാക്കാത്ത വിധം കൂടുതൽ ഇളവുകൾ അനുവദിക്കാനും യോഗത്തിൽ ധാരണയായി.
എന്നാൽ മദ്യശാലകൾ തുറക്കേണ്ടതില്ലെന്നാണ് തീരുമാനം. കോവിഡ് വ്യാപനത്തിൽ കുറവുണ്ടായെങ്കിലും ടെസ്റ്റ് പോസിറ്റിവിറ്റി നിരക്ക് 10 ശതമാനത്തിൽ താഴെയാകാത്ത സാഹചര്യത്തിലാണ് ലോക്ക്ഡൗണ് നീട്ടാൻ തീരുമാനിച്ചത്. ഔദ്യോഗിക അറിയിപ്പും ഇളവുകളും ഇന്ന് വൈകുന്നേരത്തോടെ പ്രഖ്യാപിക്കും.
