31 January, 2021 08:15:44 PM
ഐശ്വര്യ കേരള യാത്രയ്ക്ക് "ആദരാഞ്ജലികൾ'; വീക്ഷണത്തോട് വിശദീകരണം തേടി
തിരുവനന്തപുരം: യുഡിഎഫിന്‍റെ ഐശ്വര്യ കേരള യാത്രയ്ക്ക് "ആദരാഞ്ജലികൾ' ആർപ്പിച്ച കോൺഗ്രസ് മുഖപത്രത്തിനു രൂക്ഷവിമർശനം. കോൺഗ്രസ് മുഖപത്രമായ വീക്ഷണത്തോട് കെപിസിസി വിശദീകരണം തേടി.
"വീക്ഷണം' കാസർഗോഡ് ബ്യൂറോയോടാണ് വിശദീകരണം ആവശ്യപ്പെട്ടത്. ഐശ്വര്യകേരള യാത്രയുമായി ബന്ധപ്പെട്ട് നല്‍കിയ ആശംസാ പരസ്യത്തിലാണ് വമ്പൻ അബദ്ധം സംഭവിച്ചത്. പരസ്യത്തിൽ ആശംസകളോടെ എന്നതിനു പകരം "ആദരാഞ്ജലികളോടെ' എന്നാണ് അച്ചടിച്ചുവന്നത്.
ഇത് വലിയ വിവാദങ്ങൾക്കും സമൂഹമാധ്യമങ്ങളിൽ പരിഹാസത്തിനും ഇടയാക്കി.
