04 November, 2020 01:40:59 PM
കേരളത്തിൽ സിബിഐക്ക് വിലക്ക്: കേസെടുക്കാൻ ഇനി സര്‍ക്കാരിന്‍റെ അനുമതി വേണം
തിരുവനന്തപുരം: സംസ്ഥാനത്ത് സിബിഐക്ക് അന്വേഷണം നടത്താനുള്ള പൊതുസമ്മതം പിന്‍വലിക്കാന്‍ ബുധനാഴ്ച ചേര്‍ന്ന മന്ത്രിസഭാ യോഗം തീരുമാനിച്ചു. ഇനിമുതലുള്ള കേസുകളെയാണ് ഈ നിയന്ത്രണം ബാധിക്കുക. ഈ സാഹചര്യത്തില്‍ സിബിഐക്ക് ഇനി കേസെടുക്കണമെങ്കില്‍ സര്‍ക്കാരിന്‍റെ അനുമതി ആവശ്യമാണ്.
എന്നാല്‍ കോടതിയുടെ നിര്‍ദേശപ്രകാരം കേസെടുക്കുന്നതിനോ ക്രിമിനല്‍ കേസുകള്‍ വരുമ്പോഴോ ഇത് ബാധകമല്ല. സംസ്ഥാനത്ത് സിബിഐയെ വിലക്കണമെന്ന് നേരത്തെ സിപിഐയും പോളിറ്റ്ബ്യൂറോയും നിര്‍ദേശിച്ചിരുന്നു. മഹാരാഷ്ട്ര, ഛത്തീസ്ഗണ്ഡ്, രാജസ്ഥാന്‍, പശ്ചിമബംഗാള്‍ എന്നീ സംസ്ഥാനങ്ങളില്‍ സിബിഐയ്ക്കുള്ള പൊതുസമ്മതം എടുത്തുകളഞ്ഞിട്ടുണ്ട്.
