14 March, 2020 10:11:49 PM
കോവിഡ്-19: കെ.എസ്.ആര്‍.ടി.സി ബസുകള്‍ കഴുകി അണുവിമുക്തമാക്കും
തിരുവനന്തപുരം: കോവിഡ്-19 വൈറസിനെതിരെ കെ.എസ്.ആര്‍.ടി.സി മുന്‍കരുതല്‍ നടപടി സ്വീകരിക്കും. മുഖ്യമന്ത്രിയുടെ നേത്യത്വത്തില്‍ ചേര്‍ന്ന ഉന്നതതല യോഗത്തിലാണ് തീരുമാനം. എല്ലാ കെ.എസ്.ആര്‍.ടി.സി ബസുകളും നിര്‍ബന്ധമായും കഴുകി അണുവിമുക്തമാക്കിയിട്ട് മാത്രമാണ് സര്‍വിസിന് നല്‍കുന്നതെന്ന് ഉറപ്പുവരുത്തണം.
അന്തര്‍സംസ്ഥാന സര്‍വിസുകളില്‍ സംസ്ഥാന അതിര്‍ത്തികളിലാകെ 24 പോയിന്‍റുകളില്‍ പൊലീസിന്‍റെ നേതൃത്വത്തില്‍ മെഡിക്കല്‍ സംഘം യാത്രക്കാരെ പരിശോധിക്കും. ഇതിന് ബസുകളിലെ ജീവനക്കാര്‍ എല്ലാ സഹായസഹകരണവും നല്‍കുകയും അവരുടെ നിര്‍ദേശങ്ങള്‍ കര്‍ശനമായി പാലിക്കുകയും വേണം.
