26 December, 2019 01:31:46 AM
ക്രിസ്മസ് അവധിക്ക് ദുബായിൽ എത്തിയ മലയാളി യുവാക്കൾ അപകടത്തിൽ മരിച്ചു
ദുബായ്: ദുബായിൽ ഉണ്ടായ വാഹനാപകടത്തില്‍ രണ്ടു മലയാളി യുവാക്കൾ മരിച്ചു. പട്ടാമ്പി സ്വദേശി രോഹിത് കൃഷ്ണകുമാർ (19), തിരുവനന്തപുരം കവടിയാർ സ്വദേശി ശരത് കുമാർ (21) എന്നിവരാണു മരിച്ചത്. ദുബായ്- അബുദാബി റോഡിൽ ജബൽഅലിക്കു സമീപമാണ് അപകടം നടന്നത്. സംഭവസ്ഥലത്തു തന്നെ മരണം സംഭവിക്കുകയായിരുന്നുവെന്നാണ് റിപ്പോർട്ടുകൾ.
ദുബായിലെ പഠനത്തിനുശേഷം വിദേശത്തേക്ക് ഉപരിപഠനത്തിനു പോയ ഇരുവരും ക്രിസ്മസ് അവധിക്ക് ദുബായിലുള്ള രക്ഷിതാക്കളുടെ അടുത്തേക്കു വന്നതായിരുന്നു. ശരത് അമേരിക്കയിലെ ബോസ്റ്റണ് യൂണിവേഴ്സിറ്റിയിലും രോഹിത് യുകെയിലെ മാഞ്ചസ്റ്റർ സർവകലാശാലയിലുമാണ് ഉപരിപഠനം നടത്തിയിരുന്നത്.
