25 September, 2026 08:48:30 AM
നിതിന് രാജിന്റെ മരണം: പ്രിന്സിപ്പലിനെയും അധ്യാപികയെയും പ്രതി ചേര്ത്ത് ക്രൈംബ്രാഞ്ച്
കണ്ണൂര്: ദന്തല് കോളേജ് വിദ്യാര്ത്ഥി നിതിന് രാജിന്റെ മരണത്തില് പ്രിന്സിപ്പലിനെയും അധ്യാപികയെയും പ്രതി ചേര്ത്ത് ക്രൈംബ്രാഞ്ച്. പ്രിന്സിപ്പല് ഡോ. വിനോദ് മോണി, അധ്യാപിക ഡോ. ലത ശശിധരന് എന്നിവരെയാണ് പ്രതി പട്ടികയില് ചേര്ത്തത്. നിതിന് രാജിന്റെ ഫോണ് വാങ്ങിവെച്ചത് ഇരുവരുമായിരുന്നു. പ്രതി ചേര്ത്തതിന് പിന്നാലെ പ്രതികള് തലശ്ശേരി ജില്ലാ സെഷന്സ് കോടതിയില് മുന്കൂര് ജാമ്യ ഹര്ജി നല്കി.
ഏപ്രില് 10നാണ് മെഡിക്കല് കോളജ് കെട്ടിടത്തിന് മുകളില് നിന്ന് നിതിന് രാജ് ചാടി മരിച്ചത്. സംസ്ഥാന ക്രൈം ബ്രാഞ്ച് എസ് പി കെ വി വേണുഗോപാലിന്റെ മേല്നോട്ടത്തില് ഉള്ള സംഘമാണ് കേസ് അന്വേഷിച്ചത്. പ്രത്യേക അന്വേഷണ സംഘത്തില് നിന്ന് ഏപ്രില് 30നാണ് അന്വേഷണം ക്രൈ, ബ്രാഞ്ചിന് കൈമാറിയത്.
ഡോ. എം റാമാണ് കേസിലെ ഒന്നാം പ്രതി. കോളേജിലെ തന്നെ മറ്റൊരു അധ്യാപിക സംഗീത നമ്പ്യാരാണ് കേസിലെ രണ്ടാംപ്രതി. റാമിന് ഈ മാസം ഒമ്പതിന് തലശ്ശേരി ജില്ലാ സെഷന്സ് കോടതി ജാമ്യം അനുവദിച്ചിരുന്നു. അഞ്ചരക്കണ്ടി ഡെന്റല് കോളേജില് പ്രവേശിക്കരുത്, വിദ്യാര്ത്ഥികളെ സ്വാധീനിക്കരുത് തുടങ്ങി കര്ശന ഉപാധികളോടെയായിരുന്നു റാമിന് ജാമ്യം അനുവദിച്ചത്.
