30 September, 2023 11:13:24 AM
ഏറ്റുമാനൂർ പൂഞ്ഞാർ ഹൈവേയിൽ ടാങ്കർ ലോറിയും കാറും കൂട്ടിയിടിച്ച് അപകടം
പാലാ: ഏറ്റുമാനൂർ പൂഞ്ഞാർ ഹൈവേയിൽ ടാങ്കർ ലോറിയും കാറും കൂട്ടിയിടിച്ച് അപകടം. പാലാ പുലിയന്നൂരിൽ കാണിക്ക മണ്ഡപത്തിന് സമീപം രാവിലെ 9.30 ഓടെ യാണ്‌ അപകടമുണ്ടായത് . ഇടിയുടെ ആഘാതത്തിൽ ടാങ്കർ ലോറി നിയന്ത്രണം വിട്ട് റോഡരികിലേക്ക് ചാഞ്ഞു നിൽക്കുന്ന നിലയിലാണ്.
ഇടുക്കിയിൽ നിന്നും കോട്ടയത്തേക്ക് വന്ന കാറും, എറണാകുളത്തു നിന്നും ഇന്ധനവുമായി പാലായ്ക്ക് വന്ന ലോറിയും തമ്മിലാണ് കൂട്ടിയിടിച്ചത്. അപകടത്തിൽ ആർക്കും പരിക്കേറ്റിട്ടില്ല. പാലാ പോലീസ് സഥലത്തെത്തി.
