29 September, 2023 06:49:08 PM
കോട്ടയത്ത് നിയന്ത്രണം നഷ്ടമായ കാർ മരത്തിലിടിച്ച് വൈദ്യുതി പോസ്റ്റും മതിലും തകർന്നു
കോട്ടയം: ചുങ്കം തിരുവാറ്റയിൽ നിയന്ത്രണം നഷ്ടമായ കാർ മരത്തിലിടിച്ച് വൈദ്യുതി പോസ്റ്റും, മതിലും തകർന്നു. അപകടത്തിൽ ഏറ്റുമാനൂർ സ്വദേശിക്ക് പരിക്ക്. ആഡംബര കാർ പൂർണമായും തകർന്നു. ഇന്ന് പുലർച്ചെ ഒരു മണിയോടെ തിരുവാറ്റ ജംഗ്ഷനു സമീപമാണ് അപകടമുണ്ടായത്.
കോട്ടയം ഭാഗത്തുനിന്ന് വേഗതയിൽ എത്തിയ കാർ റോഡരികിലെ മരത്തിലിടിച്ച ശേഷം നിയന്ത്രണം നഷ്ടമായി റോഡരികിലെ വൈദ്യുതി പോസ്റ്റും, തൊട്ടടുത്ത വീടിന്‍റെ മതിലിലും ഇടിച്ച് തകർത്ത ശേഷമാണ് നിന്നത്. വീടിന്‍റെ മുറ്റത്താണ് കാർ ഇടിച്ച് കിടന്നത്. ഡ്രൈവറുടെത് ഗുരുതര പരിക്കല്ലെന്നാണ് വിവരം.
മഴയെ തുടർന്ന് വാഹനം ബ്രേക്ക് ചെയ്തപ്പോൾ നിയന്ത്രണം നഷ്ടമായതാണെന്നാണ് നിഗമനമുള്ളത്. അപകടത്തിൽ വൈദ്യതി ലൈനുകളും, ഏഷ്യാനെറ്റിന്‍റെ ഫൈബർ കേബിളുകളും തകരാറിലായിരുന്നു. തുടർന്ന് മണിക്കൂറുകൾ നീണ്ട പ്രയ്തനത്തിനൊടുവിൽ ഇവ പുനസ്ഥാപിച്ചു.
