18 March, 2023 04:17:39 PM


വെള്ളിയാഴ്ച നാട്ടിൽ വരാനിരുന്ന യുവാവ് സൗദിയിൽ ജീവനൊടുക്കിയ നിലയിൽ



റിയാദ്: വെള്ളിയാഴ്ച നാട്ടിൽ വരാനിരുന്ന യുവാവ് സൗദിയിൽ ജീവനൊടുക്കിയ നിലയിൽ. എറണാകുളം കോതമംഗലം സ്വദേശി കരമൊലാല്‍ വീട്ടില്‍ അബ്ദുല്ല സലീമിനെ (22 ) ദമ്മാമിന് സമീപം ഖത്വീഫിലെ താമസ സ്ഥലത്താണ് ജീവനൊടുക്കിയ നിലയില്‍ കണ്ടെത്തിയത്.


മൂന്ന് മാസം മുന്‍പാണ് പുതിയ വിസയില്‍ ഖത്വീഫിൽ എത്തിയത്. ജോലിക്കു പോകാന്‍ വിമുഖത കാണിച്ചിരുന്ന യുവാവ് മാനസിക അസ്വാസ്ഥ്യം പ്രകടിപ്പിച്ചിരുന്നതായി സുഹൃത്തുക്കള്‍ പറയുന്നു. വെള്ളിയാഴ്ച വൈകിട്ട് നാട്ടിലേക്ക് മടങ്ങുന്നതിനു വേണ്ടി ടിക്കറ്റ് എടുത്തിരുന്നു. ബാത്ത് റൂമില്‍ കയറിയ യുവാവ് പുറത്തിറങ്ങാത്തതിനെ തുടര്‍ന്ന് വാതില്‍ പൊളിച്ചപ്പോഴാണ് കൈയിലെ ഞരമ്പു മുറിച്ചു രക്തം വാര്‍ന്ന നിലയില്‍ കണ്ടെത്തിയത്.


പിതാവ് സലിം അലിയാര്‍. മാതാവ് ആമിന.



Share this News Now:
  • Mail
  • Whatsapp whatsapp
Like(s): 6K