06 February, 2023 09:08:05 AM
യുക്രയ്ൻ യുദ്ധം: റഷ്യന്‍ ഡീസലിനു വിലക്ക് ഏര്‍പ്പെടുത്തി യൂറോപ്യന്‍ യൂണിയന്‍
ഫ്രാങ്ക്ഫര്‍ട്ട്: യുക്രെയ്‌നില്‍ റഷ്യ നടത്തുന്ന യുദ്ധത്തില്‍ പ്രതിഷേധിച്ച് റഷ്യയില്‍നിന്നുള്ള ഡീസലും മറ്റു പെട്രോളിയം ഉപ ഉല്‍പ്പന്നങ്ങള്‍ക്കും യൂറോപ്യന്‍ യൂണിയന്‍ വിലക്കേര്‍പ്പെടുത്തി. എണ്ണവില്‍പ്പന വഴിയുള്ള ലാഭം യുദ്ധച്ചെലവുകള്‍ക്ക് റഷ്യ ഉപയോഗിക്കുന്നതിനു തടയിടാനാണു നീക്കം.
യൂറോപ്പിന്‍റെ ഡീസല്‍ ആവശ്യത്തിന്‍റെ പത്ത് ശതമാനം വിതരണം ചെയ്തിരുന്നത് റഷ്യയാണ്. ഈ വിടവ് നികത്താനായി യുഎസും ഗള്‍ഫ് രാജ്യങ്ങളുമുള്‍പ്പെടെയുള്ള ഇടങ്ങളില്‍ നിന്നുള്ള ഡീസല്‍ ഉപയോഗിക്കാനാണ് യൂറോപ്യന്‍ യൂണിയന്‍റെ നീക്കം. അതേസമയം റഷ്യയെ അപേക്ഷിച്ച് ഇവിടങ്ങളില്‍ നിന്നുള്ള ഗതാഗതച്ചെലവ് കൂടുതലാണെന്ന പ്രശ്‌നം യൂറോപ്പിനു വെല്ലുവിളിയാണ്.
