27 December, 2022 08:31:37 AM
ബുർക്കിനോ ഫാസോയിൽ കുഴിബോംബ് പൊട്ടി ബസ് തകർന്നു; 10 പേർ മരിച്ചു
ഔഗാഡൗഗു: പശ്ചിമാഫ്രിക്കയിലെ ബുർക്കിന ഫാസോയിൽ ഭീകരർ റോഡരികില്‍ സ്ഥാപിച്ച കുഴിബോംബ് പൊട്ടിത്തെറിച്ച് ബസില്‍ സഞ്ചരിക്കുകയായിരുന്ന 10 പേര്‍ മരിച്ചു. അഞ്ച് പേർക്ക് പരിക്കേറ്റു. ക്രിസ്മസ് ദിനത്തിൽ നൈജർ അതിർത്തിക്ക് സമീപമുള്ള പ്രദേശത്തായിരുന്നു അപകടം.
യാത്രക്കാരിൽ ചിലരെ കാണാതായതിനാൽ മരണസംഖ്യ ഉയരാൻ സാധ്യതയുണ്ടെന്ന് റീജിയണൽ ഗവർണർ ഫാദ എൻ ഗൗർമ പറഞ്ഞു. 2013 മുതൽ തുടർച്ചയായ ആക്രമണങ്ങൾ നേരിടുകയാണ് ബുർക്കിന ഫാസോ. കഴിഞ്ഞ ജനുവരിയിൽ സൈന്യം അധികാരം പിടിച്ചെടുത്തെങ്കിലും അക്രമങ്ങൾക്ക് കുറവ് വന്നിട്ടില്ല.
