02 November, 2022 05:57:05 AM
അമേരിക്കൻ ഹിപ്ഹോപ് സംഗീത ബാൻഡ് മിഗോസ് അംഗം റാപ്പർ ടേക്ക് ഓഫ് വെടിയേറ്റു മരിച്ചു
ഹൂസ്റ്റൺ: അമേരിക്കൻ ഹിപ്ഹോപ് സംഗീത ബാൻഡ് മിഗോസ് അംഗം റാപ്പർ ടേക്ക് ഓഫ് (28) വെടിയേറ്റു മരിച്ചു. ഹൂസ്റ്റണിൽ ചൊവ്വാഴ്ച പുലർച്ചയാണ് സംഭവം. രണ്ടുപേർക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. ഒരാളുടെ നില ഗുരുതരമാണ്. കിർഷ്നിക് ഖാരി ബാൾ എന്നാണ് ടേക്ക് ഓഫിന്‍റെ യഥാർഥ പേര്. ഒരു സ്വകാര്യ പാർട്ടിയിൽ പങ്കെടുക്കുന്നതിനിടെയാണ് ഇവർക്ക് വെടിയേറ്റത്.
അക്രമിയെ തിരിച്ചറിഞ്ഞിട്ടില്ല. സംഭവത്തിൽ പോലീസിന്‍റെ അന്വേഷണം നടക്കുകയാണ്. സംഗീത ലോകത്ത് തരംഗമായ നിരവധി റാപ്പുകൾ സൃഷ്ടിച്ച മിഗോസ് ബാൻഡ് ഈ വർഷമാദ്യം പിളർന്നിരുന്നു. ടേക്ക് ഓഫ് മറ്റൊരു ഗായകനുമായി ചേർന്നു അടുത്തിടെ "ഓൺലി ബിൽറ്റ് ഫോർ ഇൻഫിനിറ്റി ലിങ്ക്സ്' എന്ന ആൽബം പുറത്തിറക്കിരുന്നു.
