23 October, 2022 08:05:46 AM
ജനവാസമേഖലയിൽ കെട്ടിടത്തിനു മുകളിലേക്ക് ചെറുവിമാനം തകർന്നു വീണു: രണ്ട് മരണം
വാഷിംഗ്ടൺ: അമേരിക്കയിലെ ന്യൂ ഹാംഷെയറിൽ ചെറുവിമാനം തകർന്ന് രണ്ട് പേർ മരിച്ചു. കീൻ നഗരത്തിലെ ഒരു ജനവാസ മേഖലയിൽ കെട്ടിടത്തിനു മുകളിലേക്കാണ് വിമാനം തകർന്നു വീണത്. വിമാനത്തിലുണ്ടായിരുന്നവരാണ് മരിച്ചത്. ഒറ്റ എഞ്ചിൻ ബീച്ച്‌ക്രാഫ്റ്റ് സിയറ വിമാനമാണ് അപകടത്തിൽ പെട്ടതെന്ന് ഫെഡറൽ ഏവിയേഷൻ അഡ്മിനിസ്ട്രേഷൻ പ്രസ്താവനയിൽ അറിയിച്ചു. സംഭവത്തിൽ എഫ്എഎയും നാഷണൽ ട്രാൻസ്‌പോർട്ടേഷൻ സേഫ്റ്റി ബോർഡും അന്വേഷണം നടത്തും.
