22 October, 2022 08:09:57 AM
ആറ് തെരുവ് നായ്ക്കൾ വീട്ടിൽ കയറി ആക്രമിച്ചു: അഞ്ച് വയസുകാരി മരിച്ചു
ഖാർഗോണ്: മധ്യപ്രദേശിലെ ഖർഗോണ് ജില്ലയിൽ തെരുവ് നായ്ക്കളുടെ ആക്രമണത്തിൽ അഞ്ച് വയസുകാരി മരിച്ചു. ബേഡിയ പോലീസ് സ്റ്റേഷൻ പരിധിയിലെ ബകാവ ഗ്രാമത്തിലാണ് സംഭവം. വെള്ളിയാഴ്ച ഉച്ചയ്ക്ക് ആറ് നായക്കൾ സോണിയ എന്ന പെണ്‍കുട്ടിയെ ആക്രമിക്കുകയായിരുന്നു. പിതാവ് ജോലിക്കു പോയതിനാൽ പെണ്‍കുട്ടി വീട്ടിൽ തനിയെ ഉണ്ടായിരുന്നുള്ളുവെന്ന് പോലീസ് പറഞ്ഞു. പെണ്‍കുട്ടിയെ ബേഡിയയിലെ സർക്കാർ ആശുപത്രിയിലേക്കും പിന്നീട് ജില്ലാ ആശുപത്രിയിലേക്കും കൊണ്ടുപോയെങ്കിലും ജീവൻ രക്ഷിക്കാനായില്ല.
