21 September, 2022 09:21:29 AM
പഞ്ചാബിലെ സ്വകാര്യ സർവകലാശാലയിൽ ചേർത്തല സ്വദേശി വിദ്യാർഥി ജീവനൊടുക്കി
അമൃത്സർ: പഞ്ചാബിലെ സ്വകാര്യ സർവകലാശാല ഹോസ്റ്റലിൽ മലയാളി വിദ്യാർഥി ജീവനൊടുക്കി. പഗ്വാരയിലെ ലവ്‌ലി പ്രഫഷനൽ യുണിവേഴ്സിറ്റിയിലെ (എൽപിയു) വിദ്യാർഥിയായ ചേർത്തല സ്വദേശി അഖിൻ എസ്. ദിലീപാണ് മരിച്ചത്. ചൊവാഴ്ച രാത്രിയിൽ നാലാം നന്പർ ഹോസ്റ്റൽ സി ബ്ലോക്കിലെ മുറിയിലാണ് മൃതദേഹം കണ്ടെത്തിയത്.
ആത്മഹത്യാക്കുറിപ്പ് കണ്ടെത്തിയതായി റിപ്പോർട്ടുകളില്ല. ഒന്നാം വർഷ ബിടെക് വിദ്യാർഥിയായ അഖിന്‍റെ മരണത്തിൽ സർവകലാശാല അധികൃതർ ഒളിച്ചുകളി നടത്തുകയാണെന്ന് ആരോപിച്ച് വിദ്യാർഥി സംഘടനകൾ രാത്രിയിൽ വൻ പ്രതിഷേധമാണ് സംഘടിപ്പിച്ചത്.
