12 September, 2022 08:09:20 AM
ടുണീഷ്യന്‍ തീരത്ത് അഭയാർഥികളുടെ ബോട്ട് മുങ്ങി: 11 പേർ മരിച്ചു; 12 പേരെ കാണാതായി
ടുണിസ്: ടുണീഷ്യന്‍ തീരത്ത് മെഡിറ്ററേനിയന്‍ കടലില്‍ അഭയാർഥികളുടെ ബോട്ട് തകർന്ന് 11 പേർ മരിച്ചു. 12 പേരെ കാണാതായി. 14 പേരെ ടുണീഷ്യൻ നാവികസേന രക്ഷിച്ചു. മഹ്ദിയയിലെ ചെബ്ബയ്ക്ക് സമീപം തീരത്ത് നിന്ന് 40 മൈൽ അകലെയാണ് ബോട്ട് മുങ്ങിയത്. മെഡിറ്ററേനിയന്‍ കടല്‍ കടക്കാന്‍ ശ്രമിക്കുന്നതിനിടെ ഈ വര്‍ഷം ഇതുവരെ ആയിരത്തിലധികം അഭയാർഥികളാണ് മരിച്ചത്. യുഎൻ ഏജൻസിയായ ഇന്‍റർനാഷണൽ ഓർഗനൈസേഷൻ ഫോർ മൈഗ്രേഷനിൽ നിന്നുള്ളതാണ് കണക്കുകൾ.
