03 September, 2022 07:30:05 AM
കൊളംബിയയിൽ പോലീസ് വാഹനത്തിന് നേരെ ആക്രമണം; എട്ട് ഉദ്യോഗസ്ഥർ കൊല്ലപ്പെട്ടു
ബഗോട്ട: പടിഞ്ഞാറൻ കൊളംബിയയിൽ സ്ഫോടക വസ്തു പൊട്ടിത്തെറിച്ച് എട്ട് പോലീസ് ഉദ്യോഗസ്ഥർ കൊല്ലപ്പെട്ടു. പ്രസിഡന്‍റ് ഗുസ്താവോ പെട്രോ ആണ് ഇക്കാര്യം അറിയിച്ചത്. വെള്ളിയാഴ്ച ഹൂയിലയിലെ സാൻ ലൂയിസിൽ വച്ചായിരുന്നു സ്ഫോടനം. പോലീസ് ഉദ്യോഗസ്ഥർ സഞ്ചരിച്ച വാഹനത്തിന് നേരെയാണ് ആക്രമണമുണ്ടായത്. സായുധ സംഘങ്ങളെ ലക്ഷ്യമിട്ടുള്ള വ്യോമാക്രമണം നിർത്തിവയ്ക്കുന്നതായി പെട്രോ പ്രഖ്യാപിച്ച ശേഷം സുരക്ഷാ സേനയ്ക്ക് നേരെയുണ്ടാകുന്ന ഏറ്റവും വലിയ ആക്രമണമാണിത്.
