20 August, 2022 08:00:30 AM
സൊമാലിയയിലെ ഹോട്ടലിൽ അൽ ഷബാബ് ആക്രമണം; ഒമ്പത് പേർക്ക് പരിക്ക്
മൊഗാദിഷു: സൊമാലിയയുടെ തലസ്ഥാനമായ മൊഗാദിഷുവിലെ ഹോട്ടലിൽ അൽ ഷബാബ് ഭീകരുടെ ആക്രമണം. തോക്കുധാരികളുടെ ആക്രമണത്തിൽ ഒമ്പത് പേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു. മൊഗാദിഷുവിലെ ഹയാത്ത് ഹോട്ടലിലാണ് ആക്രമണം ഉണ്ടായത്.
ഹോട്ടലിന് പുറത്ത് രണ്ട് കാർ ബോംബ് സ്ഫോടനം നടത്തിയ ശേഷമായിരുന്നു വെടിവയ്പ്. ഹോട്ടലിലേക്ക് ഇരച്ചുകയറിയ ഭീകരർ ജനങ്ങൾക്ക് നേരെ വെടിയുതിർക്കുകയായിരുന്നു. ആക്രമണത്തിന്‍റെ ഉത്തരവാദിത്തം അൽ ഷബാബ് ഏറ്റെടുത്തതായി വാർത്താ ഏജൻസി റോയിട്ടേഴ്സ് റിപ്പോർട്ട് ചെയ്തു
