17 August, 2022 01:01:21 PM
വസ്ത്രധാരണം പ്രകോപനപരം; സിവിക് ചന്ദ്രനെതിരായ പീഡനപരാതി നിലനില്‍ക്കില്ലെന്ന് കോടതി
കോഴിക്കോട്: എഴുത്തുകാരന്‍ സിവിക് ചന്ദ്രനെതിരായ പീഡനപരാതിയില്‍ വിവാദ ഉത്തരവുമായി കോഴിക്കോട് ജില്ലാ സെഷന്‍സ് കോടതി. പരാതിക്കാരി പ്രകോപനപരമായ വസ്ത്രം ധരിച്ചതിനാല്‍ 354 എ വകുപ്പ് പ്രകാരമുള്ള കുറ്റകൃത്യം പ്രഥമദൃഷ്ട്യാ നിലനില്‍ക്കില്ലെന്നാണ് കോടതി ഉത്തരവ്.
സിവിക് ചന്ദ്രനെതിരായി കൊയിലാണ്ടി പോലീസ് രജിസ്റ്റര്‍ ചെയ്ത കേസില്‍ മുന്‍കൂര്‍ ജാമ്യം അനുവദിച്ചുകൊണ്ടുള്ള ഉത്തരവിലാണ് പരാമര്‍ശം. ജാമ്യാപേക്ഷയോടൊപ്പം ഇയാള്‍ കോടതിയില്‍ സമര്‍പ്പിച്ച പരാതിക്കാരിയുടെ ചിത്രങ്ങള്‍ പരിശോധിച്ചുകൊണ്ടാണ് കോടതി വിധി.
